काठमाडौं । नेपाली कथानक चलचित्र ‘जात्रा’ले छ दिनमा ८२ लाख कलेक्शन गरेको छ । राम्रो समीक्षा बटुलेको ‘जात्रा’ ले छ दिनमा काठमाडौं उपत्यका भित्र र बाहिर गरेर छ दिनमा ८२ लाख रुपैयाँ कलेक्शन गरेको हो । 

“काठमाडौं उपत्यका भित्र र बाहिर गरेर ८२ लाख उठेको छ,” माधव वाग्लेले भने, “दैनिक हल आउने दर्शकको संख्या बढ्दै छ । माउथ पब्लिसिटीले दिनहुँ दर्शकको संख्या बढ्दैछ ।” शुक्रबारबाट रिलिजमा आएको ‘जात्रा’ काठमाडौं उपत्यका र बाहिर गरेर ४० वटा हलमा पदर्शनमा आएको छ ।  

प्रदीप भट्टराई निर्देशित चलचित्रमा विपिन कार्की, रविन्द्रसिंह बानिया, रविन्द्र झा, वर्षा राउत, प्रेक्षा बज्राचार्य मुख्य भूमिकामा छन् । 

पैसा हुँदा र नहुँदाको सकशको जात्रा नै चलचित्र ‘जात्रा’ को मुख्य कथा हो ।