राजनीति
काठमाडौं । जनता समाजवादी पार्टीका नेता लक्ष्मणलाल कर्णले अध्यादेशबाट देश चलाउनु तानाशाही हुने बताएका छन् । मन्त्रिपरिषद्को सिफारिसमा मंगलबार राष्ट्रपतिले संवैधानिक परिषद्सम्बन्धी अध्यादेश जारी गरेपछि उनले यस्तो टिप्पणी गरेका हुन् । “देश कानूनबाट चल्छ । कानून संसदबाट आउनुपर्छ । संसदीय व्यवस्था नै यही हो । अध्यादेशबाट देश चलाउने लागे भने तानाशाही कुरा हुन्छ ,” जसपाका सांसद समेत रहेका कर्णले भने ।
संसद बोलाउनुपर्ने बेलामा अहिले अध्यादेश ल्याउनु गलत भएको पनि उनले बताए । कर्णले सत्तारुढ पार्टी नेकपाभित्रको विचलनले अध्यादेश आएको भन्दै उनले अध्यादेश संसदमा आएपछि छलफल हुने बताए ।
प्रकाशित मिति: मंगलबार, मंसिर ३०, २०७७ १८:३६
प्रतिक्रिया दिनुहोस्