‘पार्टी एकताको डोरी चुँडिएको छैन’

‘पार्टी एकताको डोरी चुँडिएको छैन’

काठमाडौं । सत्तारूढ नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले बैठकमा राजनीति प्रतिवेदन पेश गर्दैमा एकताको डोरी चुँडिएको ठान्नुनहुने र समाधान नै नहुने अर्थमा बुझ्न पनि नहुने बताएका छन् । प्रचण्डले शुक्रबार संसदीय दलका उपनेता सुवास नेम्वाङलाई पार्टी मुख्यालयमा बोलाएका थिए । त्यहाँ उनले एकताको डोरी नचुँडिएको र अहिलेको गतिरोधको निकास खोजिने बताएको नेम्वाङले बताएका हुन् ।

“तपाईंहरू दुईजनाले सहमति गरेर पार्टी एकता सुरु भएको, यहाँसम्म आइपुग्यौँ । हिजो विवाद उत्पन्न भएपछि तपाईं दुईजना अध्यक्षकै पहल प्रयासमा हामीले एउटा कार्यदल बनायौं, त्यसको आधारमा सहमति तयार ग¥यौं । सचिवालय प्रस्ताव तयार पा¥यो । स्थायी कमिटीले एउटा निर्णय ग¥यो,” भेटपछि नेम्वाङले बाह्रखरीसँग भने, “फेरि किन विवाद सिर्जना भयो भनेर आफ्ना कुरा राखेँ ।”

अहिलेका गतिविधि स्थायी कमिटी बैठकको निर्णयविपरीत देखा परेको धारणा राखेको नेम्वाङको भनाइ थियो । “त्यसकारण त्यो सहमतिलाई कार्यान्वयन गर्दै पार्टीलाई एकजुट बनाएर लिएर जानुबाहेक हामीसँग कुनै विकल्प छैन । भोलि कार्यकर्ता र जनतालाई के जवाफ दिने ? भनेर राखेँ,” उनले भने । त्यस्तै आजको भेटमा नेम्वाङले सचिवालय बैठकमा गरिएका गल्ती (एकल प्रस्ताव राख्ने) सच्याउन आग्रह गरेको पनि बताए । जवाफमा प्रचण्डले परिस्थिति गम्भीर भए पनि समाधान गर्न असम्भव भने नभएको बताएको नेम्वाङको भनाइ छ ।

प्रतिकृया दिनुहोस
ad