पोखरा । नेपाली कांग्रेसको भातृ सङ्गठन नेपाल तरुण दलको शनिबारदेखि सुरु हुने महाधिवेशनको प्रचारप्रसार एवम् सफलताको लागि आज पोखरामा मोटरसाइकल र्‍याली गरिएको छ । 

पोखराको पृथ्वीचोकबाट सुरु भएको र्‍यालीले नगरका विभिन्न भागको परिक्रमा गरेको थियो । 

महाधिवेशनको नेपाली कांग्रेसका सभापति शेरबहादुर देउवाले उद्घाटन गर्ने कार्यक्रम छ । 

पार्टी सभापतिसहित वरिष्ठ नेता आउने भएपछि बिहान ८ बजेदेखि नै पोखरा विमानस्थलमा पार्टीका कार्यकर्ताको भीड लागेको छ । 

महाधिवेशनमा सहभागी हुन देशभरका प्रतिनिधि शुक्रबार साँझ नै पोखरा आइसकेको तरुण दलका केन्द्रीय सदस्य ऋषि काफ्लेले जानकारी दिए ।  

महाधिवेशनमा लगभग १४ सय प्रतिनिधि सहभागी हुने र उद्घाटन सत्रमा १० हजार कार्यकर्ताको उपस्थिति रहने काफ्लेले बताए । रासस