सदन खुलाउन नेतृत्व लिइदिनुस् : सभामुख, प्रचण्डको जवाफ– आजै मिलाउँछु

राजनीति

सदन खुलाउन नेतृत्व लिइदिनुस् : सभामुख, प्रचण्डको जवाफ– आजै मिलाउँछु

बिहीबार, जेठ २९, २०८२

सदन खुलाउन नेतृत्व लिइदिनुस् : सभामुख, प्रचण्डको जवाफ– आजै मिलाउँछु

काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्डले सदनको अवरोध खुलाउने विषयमा विपक्षी दलमा 'मिलाउने' आश्वासन दिएका छन् । बिहीबार सभामुख देवराज घिमिरेसँगको भेटमा प्रण्डले आजै निष्कर्षमा पुग्ने बताएको सभामुखको सचिवालयले जनाएको छ ।

"रास्वपासँग भाषाको कुरा मिलाउँछौँ । सत्तापक्षसँग पनि आजै बस्छौँ, आजै निष्कर्षमा पुग्छौँ । म गम्भीर छु," प्रचण्डको भनाइ उद्धृत गर्दै सभामुखको सचिवालयका शेखर अधिकारीले भने ।

सभामुखले प्रचण्डलाई सदन खुलाउन नेतृत्व गरिदिन आग्रह गरेका थिए । "बजेटको सेड्युअल प्रभावित भएको छ । राष्ट्रियसभामा पठाउन समयको चाप बढ्यो । सदन खुलाउन नेतृत्व लिइदिनुस्," सभामुखले प्रचण्डलाई भनेका थिए ।