उदयपुर । उदयपुरको कटारी नगरपालिकामा चट्याङ लागेर बालकको मृत्यु भएको छ । कटारी–८, फूलबारीका १३ वर्षीय बालक चित्रबहादुर बलम्पाकी मगरको मृत्यु भएको वडाध्यक्ष नवीन तामाङले जानकारी दिए ।

सोमबार (वैशाख २२) दिउँसो बाख्रा चराउन गएका चित्र साँझसम्म घर फर्किएका थिएनन् । बेलुका खोजी गर्न जाँदा उनी ढलिरहेको अवस्थामा फेला परेका थिए ।

“साँझ बाख्रा आए पनि छोरा नआएपछि बुबा मानबहादुर खोज्न गएका रहेछन्,” वडाध्यक्ष तामाङले भने, “खोज्न जाँदा वनमै चट्याङ लागेर ढलेको अवस्थामा भेटिएछन् ।”

इलाका प्रहरी कार्यालय कटारीका डीएसपी कमल बजगाईँले घटनाको थप अनुसन्धान गरिने जानकारी दिए । रासस