काठमाडौं । जिल्ला प्रहरी परिसर काठमाडौंले कांग्रेस सहमहामन्त्रीका छोरा पक्राउ गरी छोडिएको भन्ने समाचारमा कुनै सत्यता नरहेको जनाएको छ ।

परिसरले विभिन्न सञ्चारमाध्यममा तीनकुने घटनामा ‘नेपाली कांग्रेसका सहमहामन्त्रीका छोरा पक्राउ गरी विनाकारबाही छोडिएको’ भनेर समाचार प्रकाशित भएको भन्दै कार्यालयको गम्भीर ध्यानाकर्षण भएको जनाएको हो ।

सो सन्दर्भमा आइतबार एक विज्ञप्ति जारी गर्दै कार्यालयका सूचना अधिकारी अपिलराज बोहराले त्यस्तो कुनै पनि व्यक्तिलाई  परिसर तथा मातहत कार्यालयबाट नियन्त्रणमा लिइएको भन्ने समाचारमा कुनै सत्यता नरहेको जनाएका छन् ।