बैंकक । म्यानमार केन्द्रविन्दु बनाएर शुक्रबार गएको ७.७ म्याग्निच्युडको शक्तिशाली भूकम्पबाट बैंककमा निर्माणाधीन ३० तले भवन ढल्दा ४३ श्रमिक फसेका छन् । 

थाइल्यान्डको राजधानीको उत्तरी भेगमा रहेको यो भवन केही सेकेन्डमा भग्नावशेषमा परिणत भएको प्रहरीले जनाएको छ । 

शुक्रबार दिउँसो सागिङ सहरको उत्तरपश्चिममा ७.७ म्याग्निच्युडको भूकम्प गएको अमेरिकी भूगर्भीय सर्वेक्षणले जनाएको छ । केही मिनेटपछि सोही क्षेत्रमा ६.४ म्याग्निच्युडको भूकम्प गएको थियो । रासस