काठमाडौं । अमेरिकी राष्ट्रपति डोनाल्ड ट्रम्प र रुसी राष्ट्रपति भ्लादिमिर पुटिनबीच युक्रेनमा युद्ध रोक्ने बारेमा टेलिफोन वार्ता भएको छ ।

रुसी राष्ट्रपति भ्लादिमिर पुटिनले युक्रेनमा तत्काल र पूर्ण युद्धविरामका लागि अमेरिकी प्रस्ताव अस्वीकार गरेका छन् ।

अमेरिकी राष्ट्रपति ट्रम्पसँगको वार्तापछि उनी ऊर्जा पूर्वाधारमा मात्र आक्रमण रोक्न सहमत भएका छन् ।

ट्रम्पको टोलीले हालै साउदी अरेबियामा युक्रेनसँग गरेको एक महिना लामो युद्धविराममा पुटिनले हस्ताक्षर गर्न अस्वीकार गरेका हुन् । 

उनले युक्रेनसँग विदेशी सैन्य सहायता र गुप्तचर जानकारी आदानप्रदान बन्द भएमा मात्र युद्धविराम सम्भव हुने बताए ।

यद्यपि, युक्रेनका युरोपेली सहयोगीहरूले पहिले नै यस्ता सर्तहरूलाई अस्वीकार गरिसकेका छन् ।

तीन वर्ष लामो युद्धमा रूसले हालै ६ महिनाअघि युक्रेनी आक्रमणको क्रममा कब्जा गरेको कुरुस्क क्षेत्रको भूभाग फिर्ता लिइरहेको छ ।

गत हप्ता साउदी अरेबियामा अमेरिकी प्रतिनिधिहरूसँगको वार्तामा युक्रेनले ३० दिनको अमेरिकी युद्धविराम प्रस्तावमा सहमति जनाएको थियो । सोही विषयमा ट्रम्प र अमेरिकाबीच फोनवार्ता भएको हो । बीबीसी