काठमाडौं । साहारा चितवन सहकारी ठगी प्रकरणमा मुद्दा लागेका पूर्वगृहमन्त्रीसमेत रहेका राष्ट्रिय स्वतन्त्र पार्टी (रास्वपा)का सभापति रवि लामिछानेको चितवन जिल्ला अदालतमा बयान जारी छ ।

कार्यालय समय सुरु हुँदै अदालत उपस्थित भएका लामिछानेको बुधबार मध्याह्न साढे १२ बजेपछि बयान सुरु भएको अदालतका सूचना अधिकारी अमृत विश्वकर्माले जानकारी दिए ।

उनका नुसार, रविको तर्फबाट बहसका लागि वरिष्ठ अधिवक्ता सुशीलकुमार पन्तसहित ६ जना वकिलले वकालतनामा दर्ता गरेका छन् । पन्तबाहेक लामिछानेको तर्फबाट बहस गर्न अविक्ताहरू डा. नारायणदत्त कडेल, चुडामणि सापकोटा, रामचन्द्र देवकोटा, सुवर्ण सापकोटा र सञ्जय गोलले वकालतनामा दर्ता गरेका छन् ।

सहकारीपीडितका तर्फबाट बहस गर्ने गरी वरिष्ठ अधिवक्ता राजकुमार श्रेष्ठ तथा अधिवक्ताहरू रमेश काफ्ले, सुनिता अधिकारी र सम्भु बर्ताैलाले वकालतनामा दर्ता गरेका छन् । सरकारी वकिलका तर्फबाट भने वकालतनामा दर्ता भइसकेको छैन ।