काठमाडौं । लक्ष्मी ग्रुपले आफ्नो ५१औँ वार्षिकोत्सव मनाएको छ । ग्रुपले आफू मातहतका संस्थामार्फत संस्थागत सामाजिक उत्तरदायित्व (सीएसआर) कार्यक्रम गर्दै शुक्रबार ५१औँ वार्षिकोत्सव सम्पन्न गरेको हो ।

ग्रुपअन्तर्गतको कम्पनी तथा हुन्डाई गाडीको आधिकारिक वितरक लक्ष्मी इन्टरकन्टिनेन्टलले ललितपुरको सेरेब्रल पल्सी सेन्टरमा ६० बढी बालबालिकालाई स्टेसनरी र अरू सामग्री उपलब्ध गराएको कम्पनीले जनाएको छ ।

यस्तै, ग्रुपले रक्तदान कार्यक्रम सञ्चालन गरेको थियो, जसमा १०० भन्दा बढी कर्मचारीले सहभागिता जनाएका थिए ।

लक्ष्मी ग्रुपअन्तर्गतको हुन्डाई काठमाडौंले नक्सालस्थित भाटभटेनी मन्दिर र वरपर सफाइ अभियान पनि सञ्चालन गरेको छ ।

सन् १९७३ मा लक्ष्मी मिठाई भण्डारका रूपमा मिठाई उत्पादनबाट व्यवसाय थालेको लक्ष्मी ग्रुप कन्फेक्सनरी, निर्माण सामग्री, गाडी तथा कम्पोनेन्टको बिक्री–वितरण, होम एप्लाएन्सेसलगायत अरू गणुस्तरीय उत्पादन र सेवाका निम्ति परिचित कम्पनीहरूको प्रतिष्ठित समूह बनेको छ ।