काठमाडौं । गृहमन्त्री रमेश लेखकले संसदीय समितिमा लामो समयदेखि विधेयक अड्किने गरेको गुनासो गरेका छन् । राज्यव्यवस्था तथा सुशासन समितिको शुक्रबारको बैठकमा गृहमन्त्री लेखकले विधेयकलाई समयसीमामा बाध्नुपर्ने प्रस्ताव राखे ।

“विधेयक समयको सीमाभित्र बाँधौ । समितिमा गएको विधेयक सीमाभित्र संशोधन भएर आएन भने जुन रूपमा समितिमा प्रवेश गरेको छ त्यही रूपमा अघि बढाऔँ,” लेखकको प्रस्ताव छ, “संशोधन भएर आएन भने मूल विधेयक अघि बढ्छ । यसो नगरे जवाफ दिन गाह्रो छ ।”

उनले समयमा नबाँधे पाँच वर्षको प्रतिनिधिसभाको कार्यकालमा बनाउने कानुन एकदमै कम हुनसक्ने बताए । विधेयक अघि बढाउन सरकार र समितिबाट ढिला भएको भन्दै संसद्ले यसमा ध्यान पु¥याउनुपर्ने बताए ।