काठमाडौं । कप्तान क्रिस्टियानो रोनाल्डोले खेलको इन्जुरी समयमा पाएको पेनाल्टी सदुपयोग गर्न नसक्दा अल नासर किंग कप अफ च्याम्पियन्सको अन्तिम १६ बाट बाहिरिएको छ ।

मंगलबार राति घरेलु मैदान अल अवालमा भएको खेलमा अल नासरलाई अल तावनले १–० ले पराजित गरेको हो । अल तावनको जितमा वाहिद अल अहमदले निर्णायक गोल गरे । 

उनले खेलको ७१औँ मिनेटमा गोल गर्दै अल तावनलाई अग्रतामा राखेका थिए । खेलको इन्जुरी समयमा अल नासरले पेनाल्टी पाएको थियो । जसका निम्ति रोनाल्डो अघि सरे पनि उनले बललाई जाली चुमाउन सकेनन् । 

बराबरीको यो अवसर सदुपयोग गर्न नसक्दा अल नासर प्रतियोगिताबाट बाहिरिएको हो ।