काठमाडौं । गृह मन्त्रालयले धादिङ र काभ्रेपलाञ्चोकका प्रमुख जिल्ला अधिकारी (सीडीओ)लाई केन्द्र (मन्त्रालय)मा तानेको छ । धादिङको सीडीओमा गृहमै कार्यरत सहसचिव सुमन घिमिरेलाई पठाइएको छ । काभ्रेमा उमेश ढकाललाई सीडीओ बनाएर पठाइएको गृह मन्त्रालयले जनाएको छ ।

धादिङमा यसअघि राजेन्द्रदेव पाण्डे र काभ्रेमा सूर्यप्रसाद सेढाइँ प्रमुख जिल्ला अधिकारी थिए । विपद्‌बारेको पूर्वसूचना हुँदाहुँदै उनीहरूले सवारीसाधन सञ्चालनमा रोक नलगाएको, तत्काल उद्धार कार्यमा समेत प्रभावकारी भूमिका निभाउन नसकेको भन्दै तानिएको हो ।

जिल्ला प्रहरी कार्यालय धादिङका प्रमुख एवं एसपी गौतम केसीलाई पनि हेडक्वार्टरमा तानिएको छ । केसीको ठाउँमा एसपी दीपेन्द्र शाहीलाई पठाइएको निमित्त प्रहरी प्रमुख एवं एआईजी टेकप्रसाद राईले जानकारी दिए ।