काठमाडौं । सहकारी संस्था बचत रकम दुरुपयोग सम्बन्धमा बनेको संसदीय छानबिन विशेष समितिका सभापति सूर्यबहादुर थापाले सहकारी क्षेत्र कमजोर रहेको बताएका छन् ।

सोमबार प्रतिनिधिसभामा छानबिन समितिको प्रतिवदेन बुझाउँदै उनले सहकारी क्षेत्र बाँसको कमजोर पिल्लरको रूपमा रहेको बताए । उनले निजी क्षेत्र फलामको पिल्लर, सार्वजनिक क्षेत्र काठको पिल्लरको रूपमा रहँदा सहकारी क्षेत्र बाँसको पिल्लरको रूपमा रहेको बताएका हुन् ।

उनले भने, “तीन वटा पिल्लरमध्ये सहकारी बाँसको कमजोर पिल्लरको रूपमा छ । निजी क्षेत्र फलाम, सार्वजनिक क्षेत्र काठ र सहकारी क्षेत्र बाँसको पिल्लरको रूपमा रहेको छ ।”

सभापति थापाले पिल्लरहरू कमजोर हुँदा भारले थिच्ने बताए । “यो पिल्लरहरूको दुर्दशा के हुन्छ भने, जता कमजोर भयो त्यतै भारले थिच्छ । आज सहकारी क्षेत्र यो नियतिमा छ ।” थापाले सहकारी क्षेत्र धर्मराएको भए पनि यसको प्रचुर सम्भावना रहेको जिकिर गरे ।