काठमाडौं । रोयल इन्फिल्डले नयाँ हिमालयन ४५० टेस्ट राइड ट्रयाक सम्पन्न गरेको छ । नेपालका निम्ति आधिकारिक ब्रिकेता अल्फा अटोमोटिभले टेस्ट राइड ट्रयाक एक्सपिरिएन्स यही भदौ २१ देखि २३ गतेसम्म टेकुमा सम्पन्न गरेको हो ।

अफ–रोड ट्रयाकमा हुने यस अनुभवले राइडरलाई हिमालयन ४५० को रोमाञ्चकता र साहसिक क्षमताको प्रत्यक्ष अनुभव प्रदान गरेको कम्पनीले जनाएको छ ।

अल्फा अटोमोटिभले नाडा अटो सो २०२४ मा रोयल इन्फिल्डको नयाँ मोडल हिमालयन ४५० सीसी शेर्पा इन्जिन लन्च गरेको थियो । हिमालयन ४५० को प्रारम्भिक प्रतिमूल्य नौ लाख ८९ हजार ५०० रुपैयाँ कायम छ । यसको टप भेरियन्टको प्रतिमूल्य १० लाख ३९ हजार ५०० कायम छ ।

हिमालयन ४५० का चार भेरियन्टमा काजा ब्राउनको नौ लाख ८९ हजार ५००, स्लेट पपी ब्लु/स्लेट हिमालयन साल्टको नौ लाख ९९ हजार ५००, क्यामेट ह्वाइटको १० लाख १८ हजार ५०० र हान्ले ब्ल्याकको प्रतिमूल्य १० लाख ३९ हजार ५०० रुपैयाँ कायम छ ।

४५२ सीसी इन्जिन र आधुनिक एबीएस प्रणाली रहेको मोटरसाइकल नेपालका सहरी, पहाडी तथा हिमाली सडकमा एडभेन्चर यात्रा गर्न उत्कृष्ट हुने कम्पनीको दाबी छ ।