काठमाडौं । काठमाडौंको भृकुटीमण्डमा चलिरहेको नाडा अटो शोमा सीजी मोटर्सले बिक्री वितरण गरिरहेका विभिन्न ब्रान्डका गाडी प्रदर्शनीमा राखेको छ । सीजीले बिक्री गरिरहेका विद्युतीय सवारी (ईभी) ब्रान्डहरूमा विशेष छुट एवं अन्य अफरहरू उपलब्ध गराइरहेको छ ।

जसअन्तर्गत सीजीले अवतार आईआई ईभीको खरिदमा १० लाख रुपैयाँ छुट दिइरहेको छ । अवतार ईभीको मूल्य एक करोड ४५ लाख रुपैयाँ रहेकोमा कम्पनीले त्यसमा १० लाख छुटसहित एक करोड ३५ लाखमा खरिद गर्न सकिने बताएको छ । यस्तै, एक वर्षको इन्स्योरेन्स, स्पेयर्स, टायरलगायत उपलब्ध गराइरहेको सीजी मोटर्सले जनाएको छ ।

सीजीको आयोन वाई ईभी खरिदमा कम्पनीले हिरोको जुम इलेक्ट्रिक स्कुटर उपहार दिइरहेको बताएको छ । यो गाडीको मूल्य ५८ लाख ५० हजार रुपैयाँ छ ।

सीजीले ६४ लाख ९९ हजार रुपैयाँ मूल्य रहेको ईभी पिकअप रिड्डाराको खरिदमा दुई लाख छुट दिइरहेको छ । यसबाहेक नेटा र एक्स–पेङ ब्रान्डका ईभी खरिदमा पनि विशेष छुटसहितको मूल्य नाडा अटो शो अवधिभरका लागि लागु रहेको कम्पनीले जनाएको छ । शोमा प्रदर्शनमा राखिएको एक्सपेङ जी६ को मूल्य ८४ लाख ९९ हजार रुपैयाँ छ ।

तीन भेरियन्ट रहेको नेटा एक्सको नेटा एक्स ४०० कम्फर्टको मूल्य ५३ लाख ९९ हजार रुपैयाँ छ । नेटा एक्स ५०० कम्फर्टको मूल्य ५७ लाख ९९ हजार र नेटा एक्स ५०० लक्जरीको मूल्य ६२ लाख ९९ हजार रुपैयाँ छ ।