काठमाडौं । वर्षासँगै काठमाडौंमा वाग्मती नदीको जलसतह सोमबार दिउँसो सतर्कता तह पार भएको छ । गौरीघाट जलमापन केन्द्रमा वाग्मती सतर्कता तह पार भएको जल तथा मौसम विज्ञान विभागले जानकारी गराएको छ ।

नदीमा पानीको बहाव बढ्दो क्रममा छ । तटीय क्षेत्रमा सतर्कता अपनाउन विभागले आग्रह गरेको छ ।

“भाद्र १०, दिउँसो २ः४५ बजे । काठमाडौं जिल्लास्थित वाग्मती नदी गौरीघाट जलमापन केन्द्रमा हालको जलसतहले सतर्कता तह पार गरेको र बढ्दो क्रममा रहेकाले वागमती–मनहरा दोभानसम्मको तटीय क्षेत्रहरूमा रहनुहुनेहरूले सतर्कता अपनाऔँ,” विभागको सूचनामा उल्लेख छ ।