काठमाडौं । काठमाडौंको शंखमूलस्थित वाग्मती कोरिडोरस्थित सुकुम्बासी बस्तीका रुपक बान्तवाको मृत्युबारे प्रहरीले अनुसन्धान थालेको छ ।

लक्ष्मी बान्तवाको घरको भुइँतल्लामा रुपकले ‘द टायम पास स्नुकर’ एन्ड खाजा घर सञ्चालन गर्दै आएका थिए । 

गएराति ४० वर्षीया बान्तवा आफ्नै स्नुकर हाउसको सोफामा अचेत फेला परेका थिए । उनलाई उपचारका लागि सिभिल अस्पताल पुर्‍याउनासाथ डाक्टरले मृत घोषित गरेको हो ।

मृतक बान्तवाको शरीरका विभिन्न ठाउँमा चोटपटक लागेका कारण हत्या गरेको आशंका गरिएको काठमाडौं प्रहरीका एसपी नवराज अधिकारीले जानकारी दिए ।

स्नुकर खेल्ने समूहबाट नै उनको हत्या भएको आंशका प्रहरीको छ । हत्याकै आशंकापछि उपत्यका प्रहरी कार्यालयको टोलीले समेत अनुसन्धान थालेको छ ।