![आठ संगीतकर्मीलाई 'छिन्नलता गीत पुरस्कार'](https://12khari.top/uploads/posts/Menuka-Paudel-1721222019.jpg)
काठमाडौं । आठजना संगीतकर्मीलाई 'छिन्नलता गीत पुरस्कार' प्रदान गरिएको छ । नेपाली गीतसंगीतको क्षेत्रमा योगदान पुर्याउने संगीतकर्मीलाई आज छिन्नलता गीत पुरस्कार प्रदान गरिएको हो ।
बुधबार काठमाडौंमा आयोजित कार्यक्रममा प्रधानमन्त्री केपी शर्मा ओलीले विसं. २०७९ र २०८० सालको छिन्नलता गीत पुरस्कार प्रदान गरेका हुन् ।
प्रधानमन्त्री ओलीले २०७९ सालको छिन्नलता गीत पुरस्कार गीतकार भूषण खरेल, संगीतकार मनराजा नकर्मी, गायक शिव परियारलाई प्रदान गरे । युवा प्रतिभा पुरस्कार गायिका मेनुका पौडेलले प्राप्त गरिन् ।
२०८० सालको छिन्नलता गीत पुस्कार गीतकार वीरेन्द्र पाठक, संगीतकार चण्डीप्रसाद काफ्ले, गायिका मनिला सोताङलाई प्रदान गरिएको छ । युवा प्रतिभा पुरस्कार गायक भुपू पाण्डेले प्राप्त गरे ।
छिन्नलता गीत, संगीत र गायन पुरस्कारको राशि जनही एक लाख रुपैयाँ छ । युवा प्रतिभा पुरस्कारको राशि जनही ५० हजार रुपैयाँ छ ।