site stats
बाह्रखरी :: Baahrakhari
देश
Global Ime bankGlobal Ime bank
बाढीले इन्द्रावती तेस्रो जलविद्युत् आयोजनामा क्षति, बेलीब्रिज बगायो

सिन्धुपाल्चोक । यांग्री तथा इन्द्रावती नदीमा गए राति आएको बाढीले इन्द्रावती तेस्रो जलविद्युत् आयोजनामा क्षति पुर्‍याएको छ । ७.५ मेगावाट क्षमताको आयोजनाको पाँचपोखरीको तिपेनीस्थित ड्याम बालुवाले भरिएको, सबस्टेसन र पावरहाउसमा क्षति पुर्‍याएको पाँचपोखरी थाङपाल गाउँपालिकाका अध्यक्ष टासी लामाले जानकारी दिए ।

सिन्धुपाल्चोकको निर्वाचन क्षेत्र नम्बर–२ का अधिकांश भागमा विद्युत् सेवा अवरुद्ध भएको छ । खाल्डेखोलादेखि तिपेनीसम्म सडक समेत अवरुद्ध भएको छ । त्यस क्षेत्रमा जाने वैकल्पिक सडक नभएकाले अत्यावश्यक यातायातका साधन चलाउन नसक्दा बिरामी समेत मारमा परेका उनले बताए ।

यस्तै, चिन्डे–जतन जोड्ने झोलुंगे पुल र यांग्री पुल पनि बाढीले बगाएको स्थानीय ग्याल्बो साम्देनले बताए ।

बाढीले यांग्री तथा इन्द्रावती नदीतटीय क्षेत्रको खेतीयोग्य जमिन बगाएको छ । चिनियाँपुल, माझीरुम्टी, तिपेनी, खस्रेबालुवा र खाल्डेखोलाजस्ता बस्ती, बजार र अस्पताल पनि जोखिममा रहेको बताइएको छ ।

मेलम्ची, इन्द्रावती र पाँचपोखरी जोड्ने मेलम्ची नदीमाथि गत वर्ष मात्र बनाइएको बेलीब्रिज पनि जोखिममा परेको छ ।

मेलम्चीमा नवनिर्मित बसपार्क, खेलमैदान र निर्माणाधीन कभर्डहल समेत बाढीको जोखिममा परेको बताइएको छ ।

यसैगरी, अरनिको राजमार्गअन्तर्गत बाह्रबिसे नगरपालिका–३ र ५ जोडिने खाग्दल खोलामा रहेको बेलीब्रिज बाढीले बगाएको छ । रासस

प्रकाशित मिति: सोमबार, असार ३१, २०८१  ११:५३
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro