काठमाडौं । देशका धेरै स्थानमा आइतबार तापक्रम बढेको छ । विशेष गरी तराई क्षेत्रमा तापक्रम बढेको मौसम पूर्वानुमान महाशाखाले जनाएको छ ।

यस दिन ‘सबैभन्दा बढी’ तापक्रम धनगढीमा ४२.९ डिग्री सेल्सियस मापन गरिएको छ । शनिबार (हिजो) धनगढीको अधिकतम तापक्रम ४१.९ डिग्री सेल्सियस थियो ।

महाशाखाले आइतबार सार्वजनिक गरेको २० स्थानको विवरणमध्ये नेपालगन्जको अधिकतम तापक्रम ४२.६ डिग्री सेल्सियस मापन गरिएको छ । शनिबार नेपालगन्जको अधिकतम तापक्रम ४१.८ डिग्री सेल्सियस थियो ।

आइतबार वीरेन्द्रनगरको अधिकतम तापक्रम ४०.४, दिपायलको ४०.२, घोराहीको ३९.३, भैरहवाको ३८.२, जनकपुरको ३८.०, सिमराको अधिकतम तापक्रम ३७.७ डिग्री सेल्सियस मापन गरिएको छ । शनिबार वीरेन्द्रनगर र दिपायलको अधिकतम तापक्रम समान ३९.५, घोराहीको ३७.७, भैरहवाको ३८.२, जनकपुरको ३७.८, सिमराको अधिकतम तापक्रम ३७.३ डिग्री सेल्सियस मापन गरिएको थियो ।

• तराईमा अत्यधिक गर्मीको सम्भावना, तातो लहरको चेतावनी

आइतबार काठमाडौंको अधिकतम तापक्रम ३३.८ डिग्री सेल्सियस मापन गरिएको छ । शनिबार काठमाडौंको अधिकतम तापक्रम ३१.९ डिग्री सेल्सियस मापन गरिएको थियो ।

यही जेठ १७ गते कैलालीको टीकापुरमा ४५.२ डिग्री सेल्सियस तापक्रम मापन गरिएको थियो । त्यो नै यो वर्ष नेपालभित्र मापन गरिएको अहिलेसम्म उच्च तापक्रम भएको महाशाखाले जनाएको छ ।

महाशाखाका अनुसार, यो वर्ष अहिलेसम्म काठमाडौंको सबैभन्दा बढी तापक्रम जेठ १७ र जेठ ११ मा समान ३४.४ डिग्री सेल्सियस मापन गरिएको थियो ।

महाशाखाले हरेक दिन बिहान न्यूनतम र बेलुका अधिकतम तापक्रम मापन गरी वेबसाइटमार्फत विवरण सार्वजनिक गर्ने गर्छ ।

महाशाखाले आइतबार सार्वजनिक गरेको तापक्रमको विवरण हेर्नोस्–