काठमाडौं । नेपालका निम्ति चांगान र दिपल ईभीको आधिकारिक विक्रेता एमएडब्ल्यू वृद्धि अटोकर्प प्रालिले प्रिमियम इलेक्ट्रिक एसयूभी दिपल एस०७ को ७४ लाख ९९ हजार रुपैयाँमा बुकिङ खुला गरेको छ । इलेक्ट्रिक भेहिकलको करमा नेपाल सरकारले गरेको परिमार्जनपछि एमएडब्ल्यू वृद्धि अटोकर्पले दिपल एस०७ को नयाँ मूल्य घोषणा गरेको हो ।

दुई महिनाअघि नेपालमा सार्वजनिक दिपल एस०७ ले छोटो समयमै बजारबाट राम्रो प्रतिक्रिया पाएको जनाइएको छ । आकर्षक डिजाइन, बेजोड पफर्मेन्स र अत्याधुनिक फिचरमार्फत दिपल एस०७ ले ईभी सेग्मेन्टमा नयाँ मापदण्ड स्थापित गर्न सफल भएको छ ।

बजारबाट पाएको सकारात्मक प्रतिक्रियाबाट चांगान नेपाल उत्साहित भएको बताइएको छ । नेपाली बजारमा अत्याधुनिक प्रविधि र गुणस्तरीय गाडी ल्याउन प्रतिबद्ध रहेको पनि बताइएको छ ।

चांगान नेपालले नयाँ दिपल एस०७ असारको अन्त्यसम्म ग्राहकलाई डेलिभरी दिने तयारी गरिरहेको जानकारी गराएको छ ।

इटालीको टुरिनमा डिजाइन गरिएको दिपल एस०७ मा वेलकमिङ सिट, एआई पावर्ड सनफ्लावर टचस्क्रिन, जेस्चर कन्ट्रोल, अग्मेन्टेड रियालिटी हेडअप डिस्प्ले, १२५ लिटरको फ्रंक, चार ड्राइभिङ मोड (इको, कम्फोर्ट, स्पोर्ट र कस्टमाइज), हेडरेस्ट र आउटडोर स्पिकरसहित १४ सोनी स्पिकरलगायत १५ भन्दा बढी फस्र्टटाइम इन नेपाल फिचर रहेका छन् ।

यसमा रहेको फ्रेमलेस डोर, फ्लस हेन्डल, २० इन्चको टायर, डवल लेयर्ड ग्लासले दिपल एस०७ को सुन्दरतालाई मात्र बढाएको छैन, कारको पफर्मेन्सलाई पनि राम्रो बनाउँछ । यसबाहेक ड्राइभिङलाई नयाँ उचाइमा पुर्‍याउन यसमा रियर ह्वील ड्राइभ छ ।

दिपल एस०७ मा ६६.८ किलोवाट आवरको ब्याट्री प्याक छ, जसले सिंगल चार्जमा ४१० किलोमिटर (डब्ल्यूएलटीपी) रेन्ज दिन्छ ।