काठमाडौं । उच्च अदालत पाटनले नेपाल पर्यटन बोर्डको प्रमुख कार्यकारी अधिकृत (सीईओ) छनोट प्रक्रिया अगाडि नबढाउन आदेश दिएको छ । अदालतका न्यायाधीश  सुदर्शनराज पाण्डेको एकल इजलासले सोमबार सीईओ छनोटसम्बन्धी कुनै काम नगर्न/नगराउन अन्तरिक आदेश जारी गरेको हो । 

सीईओ छनोट गर्न बनेको उपसमिति अवैधानिक रहेको भन्दै बोर्डका कर्मचारी उच्च अदालतमा पुगेका थिए । छनोट उपसमितिमा रहेका मिलन देवकोटा र मदनकुमार आचार्यको मनोनयन नै गैरकानुनी रहेको भन्दै उच्च अदालतमा मुद्दा दायर गरेका थिए । अन्तरिम आदेशको छलफलका लागि यही वैशाख १७ गतेलाई पेसी तोकिएको छ । 

बोर्ड सीईओको लागि उक्त समितिले १६ जनाको नाम सर्टलिस्टमा राखेर सार्वजनिक समेत गरेको छ ।