site stats
बाह्रखरी :: Baahrakhari
राजनीति
Global Ime bankGlobal Ime bank
Nabil Bank Banner adNabil Bank Banner ad
युवाको सक्रियताबिना देश समृद्ध बनाउन सकिँदैन : सुरेन्द्र पाण्डे

काठमाडौं । नेकपा (एमाले)का उपाध्यक्ष सुरेन्द्र पाण्डेले देश बनाउने विषय सामान्य नभएको बताएका छन् । युवाको सक्रिय सहभागिताबिना देशको आर्थिक समृद्धि सम्भव नहुने उनले उल्लेख गरे ।

शनिबार धादिङ–काठमाडौं सम्पर्क मञ्चद्वारा काठमाडौंमा आयोजित शुभकामना आदानप्रदान कार्यक्रममा उनले पछिल्लो दशक देखिएको युवाको पलायनलाई रोक्नुपर्नेमा जोड दिए । युवा पलायन हुनुमा देशको पछिल्लो राजनीतिक अवस्था मात्र कारक नरहेको उनको भनाइ छ ।

युरोपेली र अमेरिकी देशमा श्रमिक आवश्यक भएकाले भिसा सहज बनाइदिँदा युवा विदेशिएका उनको धारणा छ । ती देशलाई कामदार आवश्यक नभएको अवस्थामा भिसा नीति कडा बनाउने टिप्पणी उनले गरे । उनले अब राष्ट्रको नीति उत्पादन र निर्यातकेन्द्रित हुन आवश्यक रहेको बताए ।

राजनीतिक दलमा आर्थिक सोच र रणनीति चाहिने उनले सुनाए । नीतिमा मात्र नभएर व्यावहारिक रूपमा कार्यान्वयन गर्न सकिने गरी आर्थिक खाका बनाउनुपर्नेमा उनको जोड थियो ।

हरेक नागरिकलाई उत्पादनसँग जोड्ने र नगद आम्दानी लिन सक्ने बनाउने गरी आर्थिक नीति तय गर्नुपर्ने उनले बताए । देशको आर्थिक विकासका निम्ति स्पष्ट नीति र कार्यान्वयनको खाका बनाएर एमाले अघि बढ्ने उनले बताए ।

“युवाहरूलाई देशमा राख्नको लागि आम्दानीको बाटो दिनुपर्‍यो । त्यसका लागि अब उत्पादनमा युवालाई लगाउनुपर्छ । उनीहरूलाई आफ्नो उत्पादनबाट आम्दानी हुन्छ भन्ने ग्यारेन्टी दिनुपर्छ,” उनले भने, “यहीँ बसेर महिनाको ५० हजार, एक लाख कमाउने अवस्था बन्यो भने युवा किन बाहिरिन्छन् ? अब राजनीतिक दलले त्यसमा ध्यान दिनुपर्छ । एमालेले त्यसप्रकारको नीति बनाउँदै देशको अर्थतन्त्र सुधार्ने कार्ययोजना ल्याउँछ ।”

NIBLNIBL
प्रकाशित मिति: शनिबार, असोज २७, २०८०  २०:०६
worldlinkworldlink
प्रतिक्रिया दिनुहोस्
national life insurance newnational life insurance new
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
हेलचेक्य्राइँको दोषी को ?
हेलचेक्य्राइँको दोषी को ?
Hamro patroHamro patro