काठमाडौं । एसिया कप–२०२३ मा पाकिस्तानविरुद्ध नेपालका सन्दीप लामिछानेले चौथो विकेट लिएको छ । 

मुल्तान क्रिकेट रंगशालामा जारी खेलको २८औँ ओभरमा सन्दीपले पाकिस्तानका आघा सल्मानलाई पाँच रनमा आउट गरे । सन्दीपले गरेको २७.५ ओभरमा आघा कुशल भुर्तेलबाट क्याच भए ।  

हाल २८ ओभरको खेल सकिँदा पाकिस्तानले चार विकेट गुमाएर १२४ रन बनाएको छ । पाकिस्तानबाट हाल क्रिजमा रहेको कप्तान बाबर आजम ४९ र इफ्तिखर अहमेद शून्यमा खेलिरहेका छन् ।

एसिया कपमा ‘डेब्यू’ गर्न लागेको नेपाली टिमले सन् १९९२ को विश्वकप विजेतासमेत रहेको पाकिस्तानविरुद्ध पनि पहिलोपटक एकदिवसीय अन्तर्राष्ट्रिय मान्यताप्राप्त क्रिकेटमा प्रतिस्पर्धा गरिरहेको हो । 

एकदिवसीय वरीयताको १५औँ स्थानमा रहेको नेपालले आफ्नो क्रिकेट इतिहासमै पहिलोपटक शीर्ष स्थानमा रहेको टिमविरुद्ध खेल्दै छ । आजको खेल जिते नेपाली क्रिकेटले नयाँ इतिहास रच्ने छ ।