काठमाडौं । नेकपा (एमाले)का प्रमुख सचेतक पदम गिरीले सरकार निष्पक्ष निर्वाचनको विपक्षमा उभिएर जिल्ला निर्वाचन कार्यालयलाई प्रमुख जिल्ला अधिकारीको मातहतको एकाइ बनाउन लागिपरेको बताएका छन् ।

मंगलबार प्रतिनिधिसभा बैठकमा उनले जनमत गुमेपछि सरकारले निर्वाचन आयोगतर्फ रणनीतिक रूपमा कदम चालेको टिप्पणी गरे ।

“नियोजित ढंगले निर्वाचन प्रभावित पार्ने अन्तर्यमा यो सरकारले ल्याएको छ । त्यसकारण यो नियोजित ढंगले भएको हो भन्ने बुझिएको हो,” उनले भने ।

यो विषय नसच्याएसम्म बैठक अघि बढ्न नदिने उनले बताए ।