गएको सन् २०१९ को डिसेम्बर महिनाको अन्तिमतिर कोरोना भाइरस फैलिएको समाचार आयो । अहिले संसारभर यसको संक्रमण भइसकेको छ । यसबाट लाखौंको मृत्यु भइसकेको छ भने कोरोडौं संक्रमित भइसकेका छन् । यो भाइरसको संक्रमण सुरुहुने बेलामा म वैदेशिक रोजगारीमा दुबईमा थिएँ ।

चीनको वुहान सहरबाट फैलिएको यो संक्रमणलाई विश्व स्वास्थ संगठनले विश्वव्यापी महामारीको संज्ञा दियो । भाइरसको संक्रमण धेरै फैलिएपछि विश्वभर बन्दाबन्दी ‘लकडाउन’ गरिएको थियो । सबै कामधन्दा छोडेर घरभित्रनै बस्नुपरेको थियो । यो भाइरसले गर्दा रोजगार गुम्यो । आय आर्जन हुने स्रोत नै बन्द भयो । फलस्वरूप, धेरै जना मानसिक तनावमा पुगे । कतिले तनाव खप्न नसकेर आत्महत्या गरे । कति त ‘डिप्रेसन’को सिकार समेत भए । मानिसहरुको जीवनशैली नै अस्तव्यस्त भयो । यस्तो समय आउला भनेर कहिल्यै सोचेका थिएनन् । अझै पनि दुक्क भएर हिँड्न सक्ने अवस्था छैन ।

स्थिति भयावह नै छ । जताततै डराउने समय आएको छ । आफ्नासँग पनि टाढा बस्नुपर्ने स्थिति छ । यो काभिड—१९ भाइरसको संक्रमण सुरु भएपछि मान्छेको सोचमै परिवर्तन आएको छ । भौतिक दूरी कायम राख्नुपर्ने छेउछाउ आउन नहुने, अलग अलग बस्नुपर्ने, नाकमुख छोपेर हिँँड्नुपर्ने कस्तो अनौठो रोग दुनियाँमा फैलियो भन्ने सबैलाई लागेको छ । 

कोरोना फैलिँदै गर्दा म दुबईमा रोजगारीमा थिएँ । भिसाको म्याद सकिनु एक महिना अगाडि काम बन्द भएको थियो । कतिको त रोजगारै गुमेको थियो । कतिको तलबमा कटौती गरिएको थियो । कोरोना भाइरसले गर्दा महिनौसम्म कोठामा बस्नु परेकोले मलाई बिस्तारै दुबई बस्न मन लाग्न छाडेको थियो । सन् २०१८ मे महीना म दुबई गएको थिएँ । नेपाल फर्किनका लागि धेरै संघर्ष गर्नुपरेको थियो । मैले पनि धेरै समस्याको सामना गर्नुपरेको थियो । हवाई उडान बन्द थियो । लकडाउनको समय थियो । एअरपोर्ट खुलेको थिएन । विदेश मोह पनि हद्दै गएको थियो । माक्स ग्लोब्स लगाएर हिड्नु पर्ने बाध्यता कुन बेला कस्तो समयमा कोरोनाले भेटाउन सक्छ डर पालेर बस्नु पर्थ्यो । भिसा पनि सकिन लागेको हुनाले फेरि भिसा थप्न मन लागेन। म जस्ता कयौं युवा – युवती फर्किन लागेका थिएँ ।

यस्तो नाजुक समयमा परिवारको साथमा बस्न पाए लागेको थियो । भिसाको म्याद सकिए पनि । कोठामै बस्नुपर्ने केही तनाव खेप्नुपरेको थियो । घर कहिले पुगिएला लागेको थियो । दुबई जानुभन्दा आउन समस्या पर्यो ।मसँगै काम गर्ने साथीहरू फर्किन नपाएर आत्तिएका पनि थिए । काम रोकिए पछि धेरै दिन कोठामै बसेकोले कोरोना कहरको कारणले मलाई विदेश बस्न मन छोड्यो त्यसपछि फर्किए । अहिले म नेपाल फर्किसकेको छु । दुबई फर्किएको पनि ४ महिना बितिसकेको छ । कोरोना कहरमै यो वर्षको दसैं तिहार पनि सक्यो । अहिलेको परिस्थिति झन् भयावह स्थिती छ । कतै घुम्ने साथीभाइसँग जमघट गर्ने त्यो समय पनि छैन । म नेपाल फर्किएको ४ महीना बित्दा पनि म गाडी चढेर कहिँ गएको छैन । अहिले पनि डरलाग्दो समय छ । सजगता सतर्कता अपनाउन जरुरी छ । लकडाउन हटेपनि हामी अझ पनि सुरक्षित महसुस गर्न सकिरहेको छैनौं ।
झापा बिर्तामोड