काठमाडौं । उदयपुरको त्रियुगा नगरपालिका–१६, धौरीमा श्रीमतीको हत्या गर्ने श्रीमान् पक्राउ परेका छन् ।

५० वर्षीया सुनमाया तामाङको हत्याको आरोपमा ६१ वर्षीय जसबहादुर तामाङ पक्राउ परेका हुन् ।

गत २६ गते राति मादक पदार्थ सेवन गरी श्रीमतीको हत्या गर्ने तामाङलाई जिल्ला प्रहरी कार्यालय उदयपुरबाट खटिएको प्रहरीको टोलीले पक्राउ गरेको हो ।

कुटपिटबाट घाइते भएकी सुनमायाको मंगलबार मृत्यु भएको प्रहरीले जनाएको छ ।