विराटनगर । विराटनगर इन्टरनेसनल कलेजले इटहरीको सोल्टी वेस्टेन्डमा वार्षिक दीक्षान्त समारोह आयोजना गरेको छ । ७९ विद्यार्थीहरू समग्रमा बीएस्सी (अनर्स) इन्टरनेसनल विजनेस मेनेजमेन्ट विषयमा दीक्षित भएका छन् ।

आफ्नो प्रेरणादायी भाषणमा इनोभेट नेपाल ग्रुपका संस्थापक अध्यक्ष शुलभ बुढाथोकीले स्नातकका विद्यार्थीहरूको उपलब्धिहरूको प्रशंसा गर्दै उनीहरूलाई आफ्नो ज्ञानलाई राम्ररी प्रयोग  गर्न आग्रह गरे ।

“विश्वमा प्रवेश गर्दा विराटनगर इन्टरनेसनल कलेजको प्रतिनिधित्व गर्ने कुरालाई ध्यानमा राख्नुहोस्,” उनले भने, “आफ्नो शिक्षामा गर्व गर्नुहोस् र यसलाई मानिसहरूको जीवनमा सुधार गर्न प्रयोग गर्नुहोस् ।”  

समारोहमा विराटनगर इन्टरनेसनल कलेजको शैक्षिक साझेदारको रूपमा काम गर्ने उल्भरहेम्टन विश्वविद्यालयका सर्जिन मोंप्लेले प्रशंसनीय भाषण दिइन् । उनले उच्च  गुणस्तरको शिक्षा प्रदान गर्ने कलेजको अटल प्रतिबद्धताको प्रशंसा गरिन ।

साथै, मोंप्लेले उत्तीर्ण विद्यार्थीहरूलाई उनीहरूको उत्कृष्ट उपलब्धिहरूको कदर गर्दै बधाई दिइन्  ।