काठमाडौं । दूरसञ्चार सेवा प्रदायक एनसेल आजियाटा लिमिटेडले बिहीबार ललितपुर महानगरपालिका क्षेत्रमा वृक्षरोपण गरेको छ । त्यसक्रममा ललितपुर महानगरका मेयर चिरीबाबु महर्जन र एनसेलका प्रमुख कार्यकारी अधिकृत (सीईओ) जाब्वोर कायुमोभले पनि वृक्षरोपण गरे ।

वृक्षरोपण कार्यक्रममा एनसेलका सीईओ जाब्वोरले ललितपुर महानगरसँगको सहकार्यमा सामाजिक उत्तरदायित्वको काम गर्न पाएको भन्दै खुसी व्यक्त गरे ।

मेयर महर्जनले एनसेलले विगत दुई वर्षदेखि आफ्नो सामाजिक उत्तरदायित्वको कार्यका लागि सहकार्य गर्दै आएको बताए । उनले यो कार्यलाई निरन्तरता दिन आग्रह गर्दै महानगरका तर्फबाट आवश्यक सहयोग गर्न आफूहरू तयार रहेको उल्लेख गरे ।

थापाथली पुलभन्दा तल ललितपुर महानगरपालिका वडा नम्बर–१ को कार्यालयनजिक वाग्मती करिडोर सडकपेटीमा २०० भन्दा बढी बिरुवा रोपिएको हो । कम्पनीले आउँदा दिनमा यस किसिमका कार्य थप गर्दै जाने जनाएको छ ।

यही सेप्टेम्बर १७ मा एनसेल स्थापनाको १८ वर्ष पूरा गरेको अवसरमा प्यारालम्पिक खेलाडीलाई सहयोग गर्नेदेखि सातै प्रदेशमा अनुदान दिनेलगायत विभिन्न सामाजिक उत्तर दायित्वका कार्य घोषणा गरिएको छ ।

• एनसेल १८ वर्ष पूरा : सात प्रदेशमा दुई करोड अनुदान दिँदै