काठमाडौं । क्रिस्टियानो रोनाल्डोले पेनाल्टीमा गोल गरेको खेलमा अल–नासरले मंगलबार राति साउदी प्रो लिगमा अल ताईलाई २–० ले हराएको छ । जितसँगै रोनाल्डोको क्लब अल–नासरले उपाधि जित्ने सम्भावना पुनर्जीवित बनाएको छ ।

लिगको शीर्ष क्लब अल इत्तिहादले गए राति अल–हिलालसँग २–२ को बराबरी खेलेको थियो । योसँगै अल–नासरले शीर्ष क्लब अल इत्तिहादसँगको दूरी तीन अंकमा छोट्ट्याएको छ ।

लिगमा अब तीन खेल मात्र बाँकी छ । सबै खेल सकिँदा अंक बराबरी भएमा अल इत्तिहादलाई ‘हेड–टु–हेड’को फाइदा हुनेछ ।

गए राति रोनाल्डोले पेनाल्टीमा गरेको गोलबाट अल–नासरले ५२औँ मिनेटमा अग्रता लिएको थियो । ८०औँ मिनेटमा एन्डरसनले टालिस्काले अर्को गोल थपेपछि अल–नासरले तीन अंक पक्का गरेको हो ।

लिगमा २७ खेल सकिँदा अल नासरले ६० अंक जोडेको छ । अल इत्तिहादले समान खेलबाट ६३ अंक जोडेको छ । पराजित अल ताई ३४ अंकका साथ सातौँ स्थानमा छ ।