site stats
बाह्रखरी :: Baahrakhari
राजनीति
Global Ime bankGlobal Ime bank
ठेक्का सम्झौता पूरा नगर्नेलाई कारबाही गरिन्छ : मन्त्री ज्वाला
फाइल तस्बिर।

काठमाडौं । भौतिक पूर्वाधार तथा यातायातमन्त्री प्रकाश ज्वालाले निर्माण क्षेत्रमा भएका ठेक्का सम्झौताअनुसार कार्यसम्पादन नगर्ने कम्पनीलाई कारबाही गर्ने प्रतिबद्धता व्यक्त गरेका छन् । 

काठमाडौंमा आयोजित एक अन्तरक्रियामा उनले यस क्षेत्रमा देखिएका ढिलासुस्ती, तोकिएका मापदण्ड पूरा नगर्ने, गुणस्तरमा कमजोरी गर्नेजस्ता विकृतिको अन्त्य गर्नुपर्नेमा जोड दिँदै त्यसको उचित व्यवस्थापन तथा अनुगमनका  लागि आवश्यक नियम बनाउन सरोकारपक्षसँग परामर्श भइरहेको जानकारी दिए । 

मुलुकको विकास र आर्थिक समृद्धिका लागि पूर्वाधार निर्माणका क्षेत्रमा लगानी बढाउनुपर्ने उनको भनाइ थियो । मन्त्री ज्वालाले यस क्षेत्रमा गरिने लगानीले ठूलो सङ्ख्यामा रोजगारी सिर्जना गर्ने बताउँदै त्यसले उनीहरूको खर्च गर्ने क्षमता विकास तथा पुँजी निर्माण हुने र अर्थतन्त्रको बहुआयामिक पक्षमा सकारात्मक प्रभाव पार्ने बताए । 

सडक यातायातको विस्तारले ग्रामीण समाजलाई सहरसँग जोड्ने भन्दै उनले कृषि क्षेत्रलाई यान्त्रीकरण गर्ने, उत्पादनलाई बजारीकरण गरी बाह्य आयातलाई न्यूनीकरण गर्न सहयोग पुग्ने विश्वास व्यक्त गरे । 

मन्त्री ज्वालाले आफ्नो मन्त्रालयमा चालु आर्थिक वर्षमा रु एक खर्ब ६७ अर्ब बजेट विनियोजन गरिएकामा अहिले एक खर्ब १३ अर्बको सिलिङ्ग रहेकाले त्यसलाई वृद्धि गर्न विशेष कार्ययोजना तयारीको क्रममा रहेको जानकारी दिए । 

विद्युतीय सवारी साधनको प्रयोगलाई सार्वजनिक यातायातका क्षेत्रमा उपयोग गर्ने विषयलाई सरकारको नीति तथा कार्यक्रममा समावेश गर्न लागिएको बताउँदै उनले स्वदेशी ऊर्जा खपत गर्ने तथा पेट्रोलियम पदार्थको आयातमा न्यूनीकरण गरी व्यापार घाटा कम गर्न सहयोग पुग्ने विश्वास व्यक्त गरे । 

सवारीसाधनमा प्रयोग हुने इम्बोस्ड नम्बरप्लेटमा नेपाली, अङ्ग्रेजी तथा दुवै भाषाको प्रयोग गर्ने र सवारी अनुमतिपत्रको वितरण व्यवस्था सरल बनाउनका लागि गृहकार्य भइरहेको बताए । रासस

प्रकाशित मिति: शुक्रबार, वैशाख २९, २०८०  २३:२७
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro