काठमाडौं । स्वास्थ्य तथा जनसंख्या मन्त्रालयले एम्बुलेन्स सञ्चालनका लागि अनिवार्य अनुमति लिन र नवीकरण गराउन निर्देशन दिएको छ । 

मन्त्रालयले बुधबार सूचना जारी गर्दै हालसम्म अनुमति नलिएका तथा नवीकरण नगरेका सञ्चालकलाई ३५ दिनभित्र मापदण्डमा आउन निर्देशन दिएको हो । 

तोकिएको अवधिमा मापदण्ड अनुरुप नगर्ने सञ्चालकलाई जनस्वास्थ्य ऐन २०७५ बमोजिम कारबाही गरिने पनि मन्त्रालयले चेतावनी दिएको छ । 

एम्बुलेन्स सञ्चालन निर्देशिका २०७८ को दफा ७ मा एम्बुलेन्स सञ्चालनका लागि अनुमति लिनुपर्ने र दुई–दुई वर्षमा नवीकरण गर्नुपर्ने व्यवस्था छ ।