विदेश
![दिल्लीका मुख्यमन्त्री केजरीवालले पाए जमानत](https://12khari.top/uploads/posts/Arvind-Kejariwal-1718897982.jpg)
काठमाडौं । मदिरा घोटाला प्रकारणमा पक्राउ परेका नयाँ दिल्लीका मुख्यमन्त्री अरविन्द केजरीवालले जमानत पाएका छन् । पक्राउ परेको तीन महिनापछि केजरीवालले राउज एभिन्यू अदालतबाट जमानत पाएका हुन् ।
उनी शुक्रबार रिहा हुन सक्ने भारतीय सञ्चारमाध्यमले जनाएका छन् । तर, प्रवर्तन निर्देशनालय (ईडी)ले जमानतविरुद्ध अपिल गर्न ४८ घण्टाको समय मागेको छ ।
अदालतले केजरीवाललाई एक लाख रुपैयाँ धरौटी बुझाउन भनेको छ ।
यसअघि सर्वोच्च अदालतले केजरीवाललाई लोकसभा चुनावका लागि २१ दिनको अन्तरिम जमानत दिएको थियो ।
केजरीवाल गत २१ मार्चमा पक्राउ परेका थिए । उनलाई अप्रिल १ मा तिहाड जेल पठाइएको थियो ।
प्रकाशित मिति: बिहीबार, असार ६, २०८१ २१:२५
प्रतिक्रिया दिनुहोस्