काठमाडौं । भारतको अयोध्यामा निर्मित राम मन्दिरको प्राणप्रतिष्ठाको खुसियालीमा आज जनकपुरमा सवा लाख दीप प्रज्वलन गरिँदै छ । दीप प्रज्वलन कार्यक्रमका निम्ति जनकपुरमा भव्य तयारी गरिएको छ ।

जनकपुर मन्दिर परिसरलाई फूल र मालाले सजाइएको छ । मन्दिर परिसरमा दीप प्रज्वलनका निम्ति दियो ठिक पारिएको छ । मन्दिर परिसरमा फूलले जय श्रीराम लेखिएको आकर्षक दृश्य देख्न सकिन्छ । परिसरमा फूलबाटै धनुष र रामको चित्र बनाइएको छ ।

अयोध्यामा १८ अर्ब रुपैयाँभन्दा बढी रकममा राम मन्दिर बनाइएको हो । कार्यक्रममा नेपालबाट पनि हिन्दुधर्मावलम्बीको सहभागिता छ ।

प्राणप्रतिष्ठाका अवसरमा जनकपुरधामलगायत विभिन्न स्थानमा दीपावली गर्ने कार्यक्रम छ । न्युज एजेन्सी नेपाल