काठमाडौं । आमजनता पार्टी (आजपा)का अध्यक्ष प्रभु साहले संसद्‍मा प्रधानमन्त्रीसँगको प्रश्नोत्तर कार्यक्रम बहिष्कार गरेका छन् । प्रतिनिधिसभामा प्रधानमन्त्रीसँग प्रश्नोत्तर कार्यक्रम औचित्यहीन रहेको भन्दै बहिष्कार गरेको साहले बताए । 

प्रधानमन्त्रीसँगको प्रश्नोत्तर कार्यक्रम बहिष्कार गरेपछि संसद् भवन बानेश्वरमा सञ्चारकर्मीसँग कुरा गर्दै सांसद साहले सांसदले सोधेको प्रश्नको जवाफै नदिने औचित्यहीन प्रश्नोत्तर कार्यक्रम हटाउन माग समेत गरेका थिए । 

संसद्को कार्यसूचीबाट हटाउन माग गर्दा पनि नहटेपछि प्रधानमन्त्रीसँगको प्रश्नोत्तर कार्यक्रम बहिष्कार गरेको उनको भनाइ छ । 

सांसद साहले प्रधानमन्त्रीले साना दलका सांसदलाई हेपेको समेत बताए ।