काठमाडौं । झापाको छुट्टाछुट्टै दुई स्थानमा करेन्ट लाग्दा दुईजनाको मृत्यु भएको छ ।
दमक नगरपालिका–३ स्थित खोल्सीमा मोटरबाट पानी तान्ने क्रममा सोमबार दिउँसो करेन्ट लागेर एकजनाको मृत्यु भएको छ ।
मृत्यु हुनेमा भोजपुर नगरपालिका–११ का ३५ वर्षीया चंखबहादुर सार्की रहेका छन् । करेन्ट लाग्दा घाइते भएका उनको उपचारका क्रममा मृत्यु भएको प्रहरीले जनाएको छ । सार्की सोही ठाउँमा निर्माण भइरहेको पुलमा काम गर्ने कामदार हुन् ।
त्यस्तै, कन्काई नगरपालिका–३ स्थितमा हरिहर पराजुलीको दुई तले घरमा टिनको छाना लगाउने क्रममा करेन्ट लागेर एकजनाको मृत्यु भएको छ । कन्काई नगरपालिका–६ का ३६ वर्षीय रामकुमार श्रेष्ठको सोमबार मृत्यु भएको हो ।
फलामको पाइप बोक्ने क्रममा अचानक बिजुलीको तारमा छुन गइ करेन्ट लाग्दा घाइते भएका श्रेष्ठको उपचारको क्रममा बिर्तासिटी अस्पताल बिर्तामोडमा मृत्यु भएको प्रहरीले जनाएको छ ।
