काठमाडाैं । डेंगु संक्रमण यो वर्ष तीव्र रूपमा फैलिइरहेको छ । यसबाट बच्न स्वास्थ्य तथा जनसंख्या मन्त्रालयले सतर्क रहन आग्रह गरेको छ ।

मन्त्रालयकाअनुसार ०७८ माघयता भदौ १४ गतेसम्म दुई हजार आठसय २७ जनामा संक्रमण पुष्टि भएको छ । त्यसमध्ये जेठ १५ यता मात्रै एक हजार चारसय ४० जना संक्रमित थपिएका छन् ।

यो वर्ष डेंगु प्रकोपकै रूपमा फैलिइरहेकाले लामखुट्टेको टोकाइबाट बच्न र सरसफाइमा ध्यान दिन विज्ञहरूले सुझाव दिएका छन् ।

यसैबीच, यसकाे रोकथाम गर्न राष्ट्रिय युवा संघले डेंगु सचेतना अभियान सञ्चालन गरेकाे छ । अभियान अन्तर्गत संघले डेंगु सार्ने लामुखट्टे नियन्त्रण गर्न ललितपुर जिल्लाका विभिन्न स्थानमा विषादी छरेकाे छ ।

तस्बिरहरू ः सुनिल प्रधान/बाह्रखरी