काठमाडौं । उच्च अदालत पाटनमा क्रिकेटर सन्दीप लामिछानेको बलात्कार मुद्दाको सुनुवाइ भइरहेको छ । न्यायाधीशद्वय सुदर्शनदेव भट्ट र अञ्जु उप्रेती ढकालको इजलासमा मंगलबारदेखि सुनुवाइ भइरहेको छ ।

दुवै पक्षका कानुन व्यवसायीहरूले बहस गरिसकेका छन् । आजै फैसला आउने सम्भावना रहेकाले सन्दीपका समर्थकहरू अदालत क्षेत्रमा भेला भएका छन् ।

आज बिहानैदेखि उनका समर्थकहरू 'प्ले कार्ड' बोकेर भेला भएका छन् । यसैलाई मध्येनजर गरेर सुरक्षा व्यवस्था कडा पारिएको छ ।

यद्यपि, अहिले अवस्था शान्त नै छ । सन्दीपका समर्थकहरू साझा पेट्रोल पम्प वरिपरि, सडक छेउमा भेला भएका छन् । उनीहरू फैसलाको प्रतीक्षामा छन् ।

थप तस्बिरमा हेर्नुहोस्

तस्बिहरू : हरिशजंग क्षेत्री/बाह्रखरी