काठमाडौं । आजदेखि सेतो मच्छिन्द्रनाथको रथयात्रा सुरु भएको छ । काठमाडौंको जनबहालबाट सेतो मच्छिन्द्रनाथको मूर्ति खटमा राखेर बाजागाजासहित दरबारमार्गस्थित तीनधारा पाठशाला बाहिर तयार गरेको रथमा राखी विधिवत्‌रूपमा रथयात्रा सुरु गरिएको हो ।

पहिलो दिन आज रथ असन बजारमा राखिनेछ । दोस्रो दिन असनबाट हनुमानढोका र तेस्रो दिन लगन टोल पुर्‍याइनेछ । अन्तिम दिन लगनमा रहेको मन्दिरको परिक्रमा गरी फेरि खटमा राखी मन्दिर लग्ने चलन छ ।

आज रथयात्राको पहिलो दिन काठमाडौंका मेयर बालेन शाहसहित उपमेयर सुनिता डंगोल पनि सहभागी थिए ।

तस्बिरहरू : सुनिल प्रधान/बाह्रखरी