
काठमाडौं । काठमाडौंको थापाथली चोकमा प्रदर्शनमा उत्रिएका मिटरब्याजपीडितमाथि प्रहरीले धरपकड गरेको छ । शुक्रबार बिहान थापाथलीको बीच सडकमा बसेर सवारी आवागमन अवरुद्ध गर्ने प्रयास गरेपछि प्रहरीले उनीहरूमाथि बल प्रयोग गरेको हो ।
प्रहरीले केही प्रदर्शनकारीलाई नियन्त्रणमासमेत लिएको थियो । उनीहरू नाराबाजी गर्दै ललितपुरबाट काठमाडौंको शान्तिबाटिकातर्फ गइरहेका थिए ।
पीडितहरूका अनुसार, उनीहरू गत शनिबार नै तराईका विभिन्न जिल्लाबाट प्रदर्शनका निम्ति काठमाडौं आएका हुन् । सरकारले विगतमा आफूहरूसँग गरेको सहमति कार्यान्वयन नगरेपछि प्रदर्शनमा उत्रिनुपरेको उनीहरूको गुनासो छ ।
हेर्नुहोस् तस्बिर/भिडियो
तस्बिर/भिडियो : हरिशजंग क्षेत्री/बाह्रखरी
प्रकाशित मिति: शुक्रबार, चैत २२, २०८१ ११:३४
प्रतिक्रिया दिनुहोस्