काठमाडौं । असोज १० देखि १२ गतेसम्म काठमाडौं उपत्यकासहित देशका विभिन्न ठाउँमा भारी वर्षा भयो । लगातारको वर्षाका कारण बाढी पहिरोका घटना घटे । 

काठमाडौं उपत्यकासहित देशका विभिन्न जिल्लामा बाढी पहिरोका कारण ठूलो जनधनको क्षति भयो । अरबौँका भौतिक संरचना ध्वस्त भए । अहिले बाढी पहिरोबाट प्रभावित बनेका भौतिक संरचनाहरू मर्मत सम्भार गरिँदै छ । केही संरचना भने पूर्णरूपमा ध्वस्त भएका छन् ।

काठमाडौं उपत्यकाको सन्दर्भमा वाग्मती नदीमा आएको बाढीका कारण लेदोसहितको फोहोर सडकसम्मै पुगेको थियो । सडकमा सफाइ गरिए पनि फुटपाथ भने उस्तै छ । बुधबार बाह्रखरीका फोटो पत्रकार हरिशजंग क्षेत्रीले ललितपुर पुगेर सफा नगरिएका फुटपाथलाई तस्बिरमा कैद गरेका छन् ।

हेर्नुहोस् तस्बिरहरू