काठमाडौं । प्रतिनिधिसभाको बैठकमा आज नेकपा (एमाले) र नेकपा (माओवादी केन्द्र)का सांसदहरू 'हिंसा' शब्दलाई लिएर वादविवादमा उत्रिए ।

दुवै पक्षका सांसदहरू आक्रामकरूपमा प्रस्तुत भएपछि संसद् बैठक अगाडि बढ्न सकेन । त्यसपछि सभामुख देवराज घिमिरेले संसद् बैठक भदौ ३० गतेसम्मका लागि स्थगित गरे ।

'हिंसा' असंसदीय शब्द नभएको सभामुख घिमिरेको रुलिङपछि माओवादीले आपत्ति जनाउँदै सदन अवरोध गरेको थियो । त्यसपछि एमाले र माओवादबीच भनाभनको अवस्था सिर्जना भयो । सभा सञ्चालनमा असहयोग गरेको भन्दै सभामुख घिमिरेले बैठक स्थगित भएको जानकारी गराएका थिए ।

हेर्नुहोस् तस्बिरहरू