काठमाडौं । काठमाडौं कालिमाटीस्थित तरकारी बजारका व्यापारीहरूलाई भ्याइनभ्याइ छ । माघे संक्रान्तिको पूर्वसन्ध्यामा कोही तरकारी, कोही फलफूल त कोही मासुजन्यको व्यापार गरिरहेका छन् ।

आइतबार साँझ पुग्दा व्यापारीहरू कन्दमूल बेच्न व्यस्त थिए । तर, यसपटक कन्दमूलको व्यापार सोचेजस्तो नभएको व्यापारीहरूको गुनासो छ । पोहोरको तुलनामा मूल्यमा गिरावट हुँदा पनि उल्लेखनीय व्यापार नभएको व्यापारीहरू बताउँछन् । व्यापारी भीमबहादुर श्रेष्ठले यसपटक खरिद गरेर ल्याएका कन्दमूल अहिलेसम्म आधा मात्रै बिक्री भएको उनको दुखेसो छ ।

बजारमा विभिन्न प्रकारका कन्दमूल पाइन्छ । तीमध्ये पातलो तरुल, सेतो तरुल, हात्ती पाइले, सिमल तरुल, पिडालु, सखरखन्ड, पानी तरुल, आकासे तरुल, पातले, वन तरुल हुन् ।

व्यवसायीका अनुसार कालिमाटीमा सर्लाही, धादिङ, मकवानपुर, धरान, इनरुवा, चितवन, काभ्रेलगायतका जिल्लाबाट कन्दमूल आउँछ ।

तस्बिरमा हेरौँ, कालिमाटीको कन्दमूल व्यापार :