काठमाडौं । पौष शुक्ल पूर्णिमाको दिनमा पर्ने चाँगुनारायण यात्रा मनाइएको छ । शुक्रबार पौष शुक्ल पूर्णिमाको दिन मनाइने चाँगुनारायण यात्रा,  माटोको भाँडा फुटाउने जात्रा सांस्कृतिक कार्यक्रमसहित मनाइएको हो ।

चाँगुनारायण यात्राको दर्शन गर्न उपराष्ट्रपति नन्दबहादुर पुनसमेत हनुमानढोका पुगेका थिए । उनले हनुमानढोकास्थित तलेजु भवानीको दर्शन एवं प्रसाद ग्रहण गरे ।

परापूर्वकालमा चाँगुनारायण यात्राका लागि भक्तपुरबाट निस्किएको र हनुमान ढोका आएपछि त्यहाँका राजाले देवता हिँडेको ठानेर हाँडी फुटाएर रोकेको किंवदन्ती छ । हाँडी फुटाएपछि चाँगुनारायणले 'मलाई अशुभ भयो अब म कतै जानु हुँदैन' भनेर तलेजु भवानीको मन्दिरमा पसेको किंवदन्ती छ । 

तस्बिरहरू : सुनिल प्रधान/बाह्रखरी