काठमाडौं । नेपालमा पनि विभिन्न कार्यक्रम गरी यस वर्षको विश्व पर्यटन दिवस मनाइएको छ । ‘पर्यटनमा पुनर्विचार गरौँ’ भन्ने मूल नारासहित विश्वभर ४३ औँ पर्यटन दिवस मनाइएको हो ।  

पर्यटन दिवसको अवसरमा ललितपुरमा बृहत् सांस्कृतिक मेला 'ललित कार्निभल'को आयोजना गरिएको छ । ललितपुर महानगरपालिकाको आयोजना तथा ललितपुरका विभिन्न संघसंस्थाको सह–आयोजनामा सांस्कृतिक मेला पाटन दरबार क्षेत्र, मंगलबजारमा आयोजना गरिएको हो ।

सांस्कृतिक मेलामा ५०० जना भन्दा धेरै कलाकारहरूले परम्परागत संगीत तथा नृत्यको प्रस्तुति दिएका थिए । साथै विभिन्न मौलिकता झल्किने सामग्रीहरू पनि राखिएको थियो ।

हरेक वर्ष सेप्टेम्बर २७ मा पर्यटन दिवस मनाउने गरिन्छ । विश्वव्यापी रूपमा फैलिएको कोरोना महामारीबाट पर्यटन क्षेत्र प्रभावित भएको र अहिले पुनरुत्थानको चरणमा रहेको अवस्थामा दिवसलाई नयाँ अवसरको पहिचान र उपयोगमा जोड दिएर मनाएको हो ।

नेपालले सन् २०२३ देखि २०३२ सम्म नेपाल भ्रमण दशक मनाउने निर्णयसमेत गरेको छ । 

तस्बिरहरू : अभिषेक महर्जन/बाह्रखरी