काठमाडौं । काठमाडौंमा जारी शिक्षक आन्दोलनको दोस्रो दिन नयाँ बानेश्वर क्षेत्रमा आन्दोलनकारी र सुरक्षाकर्मीबीच धकेलाधकेलको स्थिति भयो । 

निषेधित क्षेत्र तोड्न हजारौँको संख्यामा पुगेका शिक्षकलाई सम्हाल्न सुरक्षाकर्मीलाई हम्मे हम्मे नै परेको थियो ।

आन्दोलनकारीले प्रहरीका लाठी खोस्ने, बोतलले प्रहार गर्ने, डिभाइडर फ्याँक्ने, सडक छेउका रुखका हाँगा भाँचेर प्रहार गर्नेजस्ता गतिविधि देखाए । सो क्रममा नयाँ बानेश्वर क्षेत्रका रुखबिरुवा र दुबोमा क्षति पुगेको छ । 

आन्दोलनकारीले रुखमा हाँगा भाँचेका छन् भने सडकबीचमा रहेका हरियाली क्षेत्र प्लाष्टिकमय बनाइदिएका छन् । 

माइतीघरदेखि नयाँ बानेश्वरसम्मको सडकमा यतिखेर पानीका खाली बोत्तल, खानेकुराका खोल र प्लाष्टिकका झोलाले प्रदूषित बनाएको छ ।