काठमाडौं । बाँकेकी निर्मला कुर्मी र नन्कुन्नी धोबीको 'हत्या'मा संलग्नलाई कारबाहीको माग गर्दै महिला अधिकारकर्मी रुबि खानसहितका आन्दोलनकरीहरूले माइतीघरमा रिले अनशन थालेका छन् ।
आन्दोलनका लागि उनीहरू बाँकेबाट आज बिहानमात्र काठमाडौं आइपुगेका हुन् । उनीहरूले कलंकीमा झर्न बित्तिकै आन्दोलन थालेका थिए । न्यायका लागि भन्दै लेखिएका ब्यानर तथा प्लेकार्ड बोकेर उनीहरू माइतीघर पुगेका थिए ।
माइतीघरमा पत्रकार सम्मेलन गर्दै रुबि खानले सरकारसँग तीन बुँदे माग राखेर निश्चितकालीन धर्नासहित रिले अनशन थालिएको जानकारी दिइन् ।
उनीहरूले निर्मला कुर्मी हत्याको घटनाको छानबिनका लाथि न्यायिक आयोग गठनको माग गरेका छन् । साथै आन्दोलनकारीलाई सुरक्षाको प्रत्याभूति गरिनुपर्ने र निर्मला कुर्मीको मुद्दालाई अदालत पुर्याइनुपर्ने माग गरेका छन् ।
तस्बिरहरू : हरिशजंग क्षेत्री/बाह्रखरी
