काठमाडौं । ‘ग्वार्को फ्लाईओभर’को काम अन्तिम चरणमा पुगेको छ । अहिले कालोपत्रेको काम भइरहेको छ ।

सडक विभागको गुणस्तर, अनुसन्धान तथा विकास केन्द्रका सूचना अधिकारी प्रदीप भण्डारीले जेठ मसान्तभित्र फ्लाईओभर सञ्चालनमा आउने बताए ।

“काम अन्तिम चरणमा पुगेको छ । अहिले पेन्टिङ, ट्राफिक साइन र कालोपत्रेको काम भइरहेको छ । मौसमले साथ दिए जेठ मसान्तभित्र ‘ग्वार्को फ्लाईओभर’माथि गाडी गुड्छन्,” भण्डारीले बाह्रखरीसित भने ।

रिङरोडमा गुड्ने सवारी साधनहरू ट्राफिक जाममा रोकिनु नपर्ने गरी सरकारले ईपीसी मोडलमा ०७८ फागुन १२ गते निर्माण कम्पनी आशिष समानान्तर जेभीसँग सम्झौता गरेको थियो । सम्झौताअनुसार, ०८० फागुन ११ गतेसम्म निर्माण सम्पन्न हुनुपर्ने थियो । तर, विभिन्न कारणले पटक–पटक म्याद थप हुँदै आएको छ ।

हेर्नुहोस् तस्बिर

तस्बिरहरू : एपी तोलङ